Agnaldo Pinto de Moraes Junior nuk është më një futbollist i Skënderbeut.
Lajmin e konfirmon vetë lojtari në llogarinë e tij në Instagram ku njofton largimin nga korçarët.
“Do të doja të falenderoja Skënderbeun për gjithçka dhe u uroj suksese këtë sezon”, shkruajti braziliani.
Agnaldo u afrua te Skënderbeu nga Kastrioti në verën e vitit 2021 ku luajti për një sezon me bardhekuqtë më pas u huazua për 6 muaj te Kukësi për t’u rikthyer përsëri në Korçë janarin e këtij viti.
Mesfushori ka luajtur gjithsej 34 ndeshje me Skënderbeun duke shënuar edhe një gol.
