Ish-lojtari i BATE Borisov, njëkohësisht ish-trajneri i Krymit te Shaktar Soligorsk deri para pak ditësh, Aleksej Baga, ka folur për mediat bjelloruse në lidhje me duelin e sotëm mes Partizanit dhe bjellorusëve, që do të luhet në Mezokovezd në orën 20:00.
Ai u ndal gjatë kur u pyet për ekipin kampion në vendin tonë.
“Unë i njoh mjaft mirë ekipet shqiptare, pasi kam luajtur përballë Skënderbeut nën urdhrat e Jermakoviçit. Mendoj se Partizani ngjan shumë me Skënderbeun e atëhershëm. Janë një ekip që luan mirë me topin, organizojnë sulme të shpeshta dhe krijojnë raste për gol me anë të goditjeve të dënimit.
Nëse do të kisha ndjekur më shumë ndeshje të Partizanit, do të kisha thënë më shumë rreth tyre, por siç tha edhe trajneri i BATE-s, mbi ekipin shqiptar nuk kemi shumë informacione.
Me aq sa kam parë, them se pika e tyre e fortë është sulmuesi i qendrës. Kristian Mba është një lojtar mjaft i fortë dhe mendoj se ka edhe një ekip, që e mbështet dhe e shërben siç duhet”, komentoi 42-vjeçari.
