Erzeni do të vazhdojë të garojë në elitën e futbollit shqiptar. Gjithçka duket se është në rrugën e duhur teksa është vetë klubi që reagon përfundimisht në rrjetet sociale.
Me një postim në Facebook, shijakasit njoftojnë opinionin publik se pasnesër, më 19 korrik do të nisin zyrtarisht përgatitjet për sezonin e ri futbollistik 2023-2024.
Qarkullonin prej javësh lajme të ndryshme si shkrirja e ekipit, rënia në kategoritë më të ulëta e shumë të tjera që shqetësonin jo pak dashamirësit shijakas dhe opinionin publik.
Klubi ka qendruar në heshtje olimpike deri në këtë fazë të merkatos ku nuk është afruar asnjë lojtarë.
Por, si duket lutjet e tifozërisë së Erzenit janë dëgjuar dhe klubi do të nisë zyrtarisht përgatitjet për sezonin e ri.
Mbetet të qartësohet ende situata me bordin drejtues dhe më pas edhe për merkaton, se kush do të jenë afrimet e reja por edhe largimet.
