Studentët e mjekësisë nuk janë pranuar që të jenë pjesë në Komision sot si palë e interesuar ku po diskutohet projektligjin që pritet t’i detyrojë ata që të qëndrojnë 5 vite në Shqipëri pas përfundimit të studimeve. Studentët nuk kanë marrë asnjë arsyetim për këtë pengesë.
Në një prononcim për mediat, ata kanë paralajmëruar se ditën e enjte do të zhvillojnë një protestë, për të kundërshtuar këtë projektligj.
“Në Komisionin e kaluar, bëmë kërkesë që të ishim pjesë e komisioneve në vazhdim, si palë e interesit. Kjo kërkesë as nuk u pranua dhe as nuk u refuzua, por sot nuk na kanë pranuar të futemi brena. Ne kemi kërkuar transparencë dhe ata në këtë pikë veç të tjerash, kanë çaluar. Hapat tona në vazhdim, të enjten kemi paralajmëruar protestë në orën 09;00 para parlamentit. Është mbi kurrizin e prindërve tanë, dhe thirrja për t’iu bashkuar kësaj protestë janë të gjithë, sepse të gjithë preken”, u shpreh një studente.
