Pas tradhtisë së Lukakut, Interi po mendon të hakmerret ndaj futbollistit belg dhe është shumë pranë zyrtarizimit të Juan Cuadrados.
Mediat italiane e bëjnë të sigurt se kolumbiani ka gjetur akordin me zikaltrit dhe është vetëm një hap larg kalimit në Milano.
Siç raportohet, Interi i ka ofruar një kontratë 1-vjeçare nga e cila do të përfitojë 2,5 milionë euro, një ofertë që e ka joshur kolumbianin dhe ka pranuar të bëhet pjesë e skuadrës zikaltër, ndërsa brenda kësaj jave do të hedhë dhe firmën në kontratën e re.
Ai kishte oferta dhe nga Amerika apo Arabia Saudite, por dëshira e tij ishte të qëndronte në Europë.
Me shumë gjasa, brenda kësaj jave, 35-vjeçari do të mbërrijë në Milano për të vendosur detajet e fundit të marrëveshjes dhe më pas të hedhë firmën në kontratën e re.
