Në Sarandë dhe Ksamil është ndërprerë energjia elektrike gjatë mbrëmjes së sotme.
Nga OSHHE nuk ka pasur asnjë njoftim paraprak për ndërprerjen e energjisë elektrike dhe që vjen në kulmin e sezonit turistik.
Nga njëra anë kryeministri Edi Rama dhe qeveritarë të tjerë flasim për “bum” në turizëm, ndërsa nga ana tjetër dështojnë të sigurojnë shërbimet bazë.
Situata ka sjellë pakënaqësi te pushuesit, të cilët vijojnë të vuajnë mosaftësinë e institucioneve.
Ndërprerja e energjisë elektrike është një problematikë e përsëritur që mesa duket as kreu i ri i institucionit Enea Karakaçi nuk po i jep zgjidhje. Pavarësisht tenderave qindra miliona euro, OSHEE po dështon sërish të sigurojë furnizimin me energji elektrike.
Ndërprerje të energjinë në Sarandë, Ksamil dhe zonat përreth pati edhe më herët gjatës. Vetë OSHEE njoftoi se si pasojë e një avarie të shkaktuar nga një vatër zjarri, u stakua sot rreth orës 16:02, Nst Saranda 2 dhe për pasojë energjia elektrike mungoi në Sarandë, Ksamil, Konispol, Vrinë, Shëndelli, Xarë dhe Mursi.
“Pas shuarjes së zjarrit, grupet e punës së Drejtorisë së Tensionit të Lartë në OSSH realizuan manovrat përkatëse duke rivendosur në funksion n/stacionin dhe normalizmin e furnizimit me energji të abonentëve”, thuhet në një njoftim më herët nga institucioni.
Megjithatë, energjia elektrike u ndërpre sërish gjatë mbrëmjes.
