Egnatia do të presë në ‘Elbasan Arena’ Ararat-Armeninë për të zhvilluar ndeshjen e kthimit pë raundin e parë të Conference League, më 20 korrik në orën 20:00.
Sfida e parë përfundoi në barazim 1-1 dhe rrogozhinasit do të tentojnë kualifikimin përpara tifozëve të tyre që pritet të jenë të shumtë në numër. Një arritje historike për Egnatian që e debuton për herë të parë në Europë.
Lideri i skuadrës dhe djali i qytetit, Hysen Memolla ka kërcënuar haptas fare kundërshtarët në rrjete sociale. Me një postim në Instagram ai shkruan: “Gati për të shkatërruar.”
Të presim e të shpresojmë që ky kërcënim i mbrojtësit të bëhet realitet dhe Egnatia të kualifikohet në raundin tjetër.
