Kryetari demokrat Sali Berisha ka reaguar pas sulmit dhe kërcënimit ndaj grupit të xhirimit të SYRI TV nga mbështetësit e kandidatit socialist në Rrogozhinë, Edison Memolla.
Berisha thotë se agresorët janë bandat e Erion Velisë dhe familjarët e kandidatit të Edi Ramës.
“Stop kërcënimit të mediave!
Bandat e Erion Velisë dhe familjarët e kandidatit të Edi Ramës, në Bashkinë e Rrogozhinës kërcënojnë ekipin e Syrit dhe i pengojnë në detyrën e tij. Në video keni xhaxhain e kandidatit rilindas, Arif Memolla, polic që agreson dhe fizikisht anëtarët e ekipit të televizionit Syri.
Dënoj me ashpërsinë më të madhe këto akte banditeske të organizuara direkt nga Erion Veliaj dhe mbështes plotësisht mediat në detyrë dhe ju bëj thirrje atyre të vazhdojnë të përmbushin me guxim detyrën e tyre.”- shkruan Berisha.
