Një aksident ka ndodhur në Sarandë ku një fëmijë 4 vjeç është përplasur nga një makinë tip ‘Jeep’.
Fatmirësisht fëmija ndodhet në spital jashtë rrezikut për jetën.
Shoferi me iniciale A. S., 69 vjeç, banues në Sarandë është shoqëruar në Komisariatin e Policisë për veprime të mëtejshme.
“Në lagjen nr. 1, Sarandë, shtetasi A. S., 69 vjeç, banues në Sarandë, dyshohet se duke drejtuar automjetin e tij tip “Jeep” ka goditur nje fëmijë të mitur 4 vjeç, banues në Gjermani.
4-vjeçari është shoqëruar në spital për ndihmën e nevojshme mjekësore dhe ndodhet jashtë rrezikut për jetën.” – njofton policia.
Grupi hetimor ndodhet në vendin e ngjarjes dhe vijon veprimet hetimore për zbardhjen e plotë të rrethanave dhe shkakut të aksidentit.
