Reagime të dhunshme ka shkaktuar orët e fundit një video që tregon presidentin e SHBA-ve, Joe Biden, fillimisht duke puthur në mënyrë të çuditshme në shpinë dhe më pas duke bërë një lëvizje sikur po nuhaste një vajzë të vogël.
Incidenti ndodhi pak para nisjes së presidentit amerikan nga Helsinki, Finlandë, ndalesa e tij e radhës pas pjesëmarrjes në samitin e NATO-s në Vilnius, Lituani.
Siç shihet edhe në pamje, vajza e vogël duket se është frikësuar edhe nga lëvizja e 80-vjeçarit, i cili është kritikuar shumë në të kaluarën për qëndrimin e tij ndaj vajzave të mitura.
Për fat të mirë, momenti i sikletshëm për vogëlushen zgjati disa sekonda pasi presidenti i SHBA-së më pas iu drejtua punonjësve të tjerë të ambasadës amerikane në Finlandë.
Ashtu siç pritej, lëvizjet e Bidenit drejt vajzës së vogël shkaktuan reagime të mëdha në Twitter me shumicën e përdoruesve duke folur për momentin “më rrëqethës” dhe “më të neveritshëm” të politikanit 80-vjeçar.
