Detaje të reja kanë dalë në dritë nga vrasja e shqiptarit Armend Xhika, ngjarje e ndodhur në vitin 2021, në Britani.
Mediat e huaja shkruajnë se dy shtetasit shqiptarë, Marsid Senia, 25 vjeç dhe Mentor Selmani, 28 vjeç, janë shpallur fajtorë për vrasjen e tij.
Senia dhe Selmani, u lanë në paraburgim dhe do të paraqiten para Gjykatës për t’u njohur me dënimin e tyre.
Ndërkohë që dy persona të tjerë të përfshirë në ngjarje, janë shpallur të fajshëm, në kërkim janë vëllezërit Eljaso Cela, 28 vjeç dhe 26-vjeçari Mateo Cela.
Lidhur me ngjarjen:
E gjithë ngjarja thuhet se nisi për një sqarim në mbrëmjen e 13 majit 2021 për të zgjidhur një mosmarrëveshje lidhur me një aksident ku ishte përfshirë dhe mjeti që drejtohej nga Xhika. Makina tip “Vauxhall Insignia” e 22-vjeçarit shqiptar thuhet se ishte përplasur me një “Audi” në Rotherham po atë ditë, por disa orë më herët. Si pasojë Xhika është sulmuar nga disa persona me thikë. Ai u dërgua në spital, por nuk u mbijetoi dot plagëve të marra.
