Vendi ynë pritet të pushtohet nga temperatura ekstreme në ditët në vijim sipas meteorologëve.
Lidhur me këtë parashikim të motit, ka reaguar edhe Instituti i Gjeoshkencave dhe Shërbimit Meteorologjik Ushtarak. Përmes një mesazhi të ndarë në rrjete sociale, u bëhet thirje qytetarëve shqiptarë për të shmangur orët e pikut të vapës gjatë ditëve në vazhdim. Fëmijët dhe të moshuarit duhet të kenë më tepër kujdes.
“Instituti i Gjeoshkencave dhe Shërbimi Meteorologjik Ushtarak parashikon që vendi do të përfshihet nga një mot me temperatura tejet të larta.
Për këtë Agjencia Kombëtare e Mbrojtjes Civile bën thirrje për të gjithë qytetarët, veçanërisht për moshën e tretë e fëmijët, të ruhen duke respektuar këshillat e nevojshme. Qëndroni në kontakt me shërbimet e emergjencave në rast nevoje”,- thuhet në njoftim.
