Ka nisur seanca plenare në Kuvend, ku pritet të miratohet kërkesa e SPAK për arrestimin e ish-zv.kryeministrit Arben Ahmetaj.
Por në seancën e sotme plenare, Ahmetaj nuk është paraqitur. Mungesa e tij ka sjellë reagime të ashpra nga opozita. Kryetari i PD-së Sali Berisha, u shpreh se në mungesë të Ahmetajt, pyetjeve të tij duhet tu përgjigjet Rama. Ky i fundit menjëherë pas deklaratës së Berishës, ka braktisur seancën dhe është larguar.
Berisha: Në mungesë për shkak të arratisë së zëvendëskryeministrit, i cili duhet të ishte në këtë sallë për t’u përgjigjur pyetjeve, në respekt të parlamentit, në respekt të drejtësisë, në respekt të qytetarëve shqiptarë, unë propozoj që të gjitha pyetjeve t’u përgjigjet bosi i tij, Edi Rama.
Pak më herët Ahmetaj nga arratia, ka reaguar përmes një postimi në rrjete sociale, ku ka pretenduar pafajësi për akuzat e ngritura nga SPAK.
