Një aksident automobilistik është regjistruar pasditen e kësaj të premte në aksin rrugor “Vlorë-Orikum”.
Autoritetet policore bëjnë me dije se shtetasi D. S., 41 vjeç, duke drejtuar automjetin e tij, ka humbur kontrollin dhe për pasojë automjeti është përplasur me një bordurë prej betoni, në anë të rrugës.
Si pasojë e aksident, ka mbetur i plagosur pasagjeri në automjet, shtetasi R. D., 45 vjeç, i cili aktualisht ndodhet në spital nën kujdesin e mjekëve. Ndërsa, drejtuesi i automjetit, shtetasi D. S. është shoqëruar në Komisariat, për kryerjen e veprimeve të mëtejshme procedurale.
Grupi hetimor vijon punën për zbardhjen e plotë të rrethanave të këtij aksidenti.
