Një incident i përgjakshëm me një të vdekur nga të shtënat me armë zjarri ka ndodhur mesditën e sotme, në zonën e Analipsit, në lindje të Selaniku në Greqi.
Sipas informacioneve të para, është qëlluar dy herë për vdekje një 50-vjeçar shqiptar, identiteti i të cilit nuk dihet ende. Ai është qëlluar teksa ndodhej në makinën e tij në një karburant.
Ngjarja ka ndodhur në rrugën Solonos 51, ndërsa viktima ka mbetur i plagosur rëndë në shpatull dhe ka ndërruar jetë pak kohë më vonë.
Sipas informacioneve ka pasur një konflikt mes autorit dhe viktimës.
Ngjarja ka ndodhur rreth një orë më parë, ndërsa ende nuk ka asnjë gjurmë për autorin. Ky i fundit është arratisur dhe policia po punon për identifikimin dhe kapjen e tij.
