Lavrov: SHBA po luan me zjarrin, avionët F-16 mund të çojnë në Luftën e Tretë Botërore

Ministri i Jashtëm rus, Sergej Lavrov tha se avionët luftarakë F-16 që do të dërgohen në Ukrainë do të shiheshin si një “kërcënim bërthamor”. Lavrov theksoi se kjo “mund të ketë pasoja katastrofike”.

“Ne do ta konsiderojmë zotërimin e sistemeve të tilla nga forcat e armatosura ukrainase si një kërcënim për Perëndimin në fushën bërthamore.”, tha Lavrov në një intervistë për mediat ruse.

Duke thënë se Moska ka paralajmëruar SHBA-në, Anglinë dhe Francën për këtë çështje, ministri rus tha se “SHBA dhe aleatët e NATO-s krijojnë një rrezik të drejtpërdrejtë të konfliktit të armatosur me Rusinë”.