Policia ka ushtruar kontrolle këtë të enjte në banesën e Valter Bamit, i dyshuar kryesor për atentatin ndaj Gentjan Bejtjes, ku mbeti i vrarë kunati i këtij të fundit Ramazan Sino, dhe u plagosën dy fëmijët e tij të mitur.
Nga raportimet paraprake mësohet se nga kontrollet në banesën e tij në Fushë Krujë u gjetën sende me vlerë.
Kontrollet u kryen në lidhje me gjetjen e armës të cilën ai pretendon se e ka me leje. Ende nuk dihen të tjera detaje, pritet reagimi i bluve për zbardhjen e zhvillimeve të reja mbi ngjarjen.
