Hakerat rusë kanë zhvilluar një sulm kibernetik ndaj dhjetra selive diplomatike që ndodhen në Ukrainë, mes tyre edhe ambasada e Shqipërisë.
Grupi i njohur me pseudonimin “APT”, por edhe me emrat e tjerë si as “APT29”, “Nobelium” apo “Cozy Bear”, dhe që ka mbështetjen e inteligjencës ruse raportohet se ka targetuar diplomatët e huaj që punojnë në Ukrainë.
Mediet e huaja bëjnë me dije se në e-mailin e ambasadorëve ka shkuar një njoftim sikur një diplomat polak kërkonte të shiste makiënë e tij “BMW Seria 5”.
Sipas agjencisë “Unit 42” me bazë në Palo Alto, e-maili origjinal dhe i vërtetë u dërgua nga zyra e Ministrisë së Jashtme në Poloni. Këtu hakerat mundën të ndërhyjnë duke e hequr njoftimin origjinal, të cilin e zëvendësuan me një virus të kamufluar si tekst në “Word”.
“BMW 5 for sale in Kyiv – 2023.docx”, ishte dokumenti që iu dërgua ambasadave, dhe pasi klikohej ofronte një link ku mund të shiheshin më tepër foto të makinës në shitje, por pasi shkarkoheshin, këto foto ishin viruse të maskuara si “.png” që kur klikoheshin instalonin fshehtas në kompjuter sistemin spiun.
Ambasadat që dihet se janë shënjestruar janë ato të Shqipërisë, Argjentinës, Kanadasë, Qipros, Danimarkës, Estonisë, Greqisë, Irakut, Irlandës, Kuvajtit, Kirgistanit, Letonisë, Libisë, Holandës, Norvegjisë, Sllovakisë, Spanjës, Sudanit, Turqisë, Turkmenistanit, SHBA dhe Uzbekistanit.
Misionet diplomatike janë një objektiva me vlerë të lartë për inteligjencën ruse, dhe 16 muaj pas luftës në Ukrainë, është e lehtë të kuptosh pse “Cozy Bear” mund të ishte ngarkuar të depërtonte në organizata të tilla.
Vetë “Cozy Bear” njihet si një grup shumë i aftë dhe jashtëzakonisht inovativ që vazhdimisht modifikon qasjet e tij për të rritur efektivitetin, duke shfrytëzuar çdo mundësi që mund të gjejë.
