Etleva Biçaku nga fshati Thanasaj i Lushnjës u largua nga shtëpia 2 vite më parë, me 29 janar të vitit 2021.
Pas shumë kërkimesh të familjarëve të saj ditën e sotme një qytetar ka telefonuar dhe ka vënë në dijeni redaksinë e emisionit me Zemër të Hapur se Etleva gjendej në Libofshë të Fierit.
Menjëherë redaksia e emisionit ka komunikuar me policinë e Fierit dhe të Lushnjes, ku është bërë e mundur gjetja e saj dhe aktualisht Etleva Biçaku ndodhet në komisariatin e policisë ku priten të mbërrijnë familjarët e saj.
Etleva Bicaku u largua nga banesa para dy vitesh dhe nga ai ai moment familjarët nuk kishin asnjë informacion për të. E reja disa vitesh vuante nga depresioni, ndërsa kohët e fundit para se të zhdukej ajo kishte ndërprerë edhe mjekimet. Nëna e la të vogël, kur ajo ishte vetëm 13 vjece, një nga arsyet që rëndoi gjendjen psikologjike të saj. Një vajzë e shkëlqyer në mësime, ajo përfundoi më keq, pas ndarjes nga bashkëshorti 6 vite para se të humbte, një ndarje të cilën ajo nuk e përballoi dot.
