Një ngjarje e rëndë është regjistruar mbrëmjen e kësaj të marte në Tiranë.
Një 43-vjeçar (shurdhmemec) ka goditur me sende të forta në rrugën “4 Dëshmorët” bashkëshorten e tij dhe më pas është larguar.
“Më datë 11.07.2023, në rrugën “4 Dëshmorët”, shtetasi A. Sh., 43 vjeç (shurdhmemec), dyshohet se ka goditur me sende të forta bashkëshorten e tij, shtetasen Gj. Sh., 47 vjeçe, dhe më pas është larguar.” njofton policia.
47-vjeçarja ka mbetur e plagosur dhe është transportuar me urgjencë në spital, teksa raportohet se ndodhet jashtë rrezikut për jetën.
Grupi hetimor po punon për kapjen e autorit të dyshuar dhe sqarimin e rrethanave të ngjarjes.
