Është identifikuar pas 50 vitesh rasti i parë i infektimit me kolerë në Itali.
Mediat përtej Adriatikut raportojnë se një i moshuar në Arbus është shtruar në spitalin Santissima Trinita në Cagliari i infektuar me kolera. Pacienti vuan nga sëmundje të zemrës.
Ai po merr trajtim në spital prej 5 ditësh ndërsa mësohet se gjendja e tij aktualisht është e qëndrueshme. Vendi dhe dita e infektimit nuk dihen, ndërsa mësohet se nuk kishte bërë asnjë udhëtim jashtë vendit.
Sipas raportimeve të L’Unione Sarda, i moshuari bëri simptomat rreth një muaj më parë dhe ky element vështirëson përcaktimin e saktë të momentit të infektimit. Mjekët po kryejnë kontrolle epidemiologjike te familjarët e pacientit që jetojnë në zonën e Medio Campidano dhe që aktualisht nuk shfaqin asnjë simptomë, megjithatë priten rezultatet e analizave.
