Valter Bami ka dalë mëngjesin e kësaj të hënë përpara Gjykatës së Tiranës për t’u njohur me masën e sigurisë.
Në sallën e gjyqit, ai u shfaq i qetë dhe duke komunikuar me avokatët mbrojtës.
Bami u arrestua të enjten për veprën penale “Mbajtja pa leje dhe prodhimi i armëve, armëve shpërthyese dhe i municionit”.
Ai u mor në pyetje pas atentatit të ndodhur në fshatin Larushkë, Krujë, në oborrin e banesës së Gentian Bejtjas. Nga të shtënat, aty mbeti i vrarë kunati i këtij të fundit, si dhe u plagosën dy djemtë e mitur.
Po ashtu, iu kryen analizat që më pas zbuluan gjurmë baruti në duart e tij. Policia ka konfirmuar se në dorën e majtë të Valter Bamit, i cili u shoqërua në polici pas ngjarjes, janë konstatuar “faktorë plotësues të qitjes me armë zjarri”.
Në dëshminë e dhënë përpara hetuesve, Bami deklaroi pas shoqërimit në polici se nuk ka asnjë lloj lidhje me atentatin në fshatin Larushk.
Lexo edhe:
Gjykata lë në burg Valter Bamin, avokati: Ishte me fëmijët kur ndodhi ngjarja!
