Tre të rinj janë dënuar ditën e sotme nga Gjykata e Tiranës, pasi janë shpallor fajtor për grabitjen e dy viçave.
Bëhet fjalë për tre të rinjtë 26, 22 dhe 20 vjeç, të cilët të penduar për veprën penale vjedhje në bashkëpunim, u dënuan me nga 4 muaj burg secili me gjykim të shkurtuar.
Tetorin e vitit të kaluar, ata vodhën dy viçat në fermën didaktike të Universitetit Bujqësor Tiranë. Gjatë zbardhjes së ngjarjes nga forcat e komisariatit nr. 5 u arrestuan si pjesë e grupit edhe dy të mitur, për të cilët është pushuar hetimi për shkak të moshës së mitur, 16-vjeçare.
Ajo që çuditi hetuesit ishte fakti se një prej viçave të vjedhur ishte fshehur në ballkonin e katit të katërt të një pallati në Kamëz.
