Një situatë e pazakontë ka ndodhur sot në sallën e parlamentit të Greqisë. Deputeti Dimitris Koutsoumbas, humbi ekuilibrin pas një dhimbje në shpinë, teksa po mbante fjalimin e tij në foltore ku po diskutonte për programin e qeverisë së re.
Menjëherë kolegët shkuan pranë tij për ta ndihmuar, ndërsa deputeti A’ Piraeut i ND, Nikos Vlahakos, i cili është edhe mjek, i ofroi atij ndihmën e parë. Kryetari i Kuvendit, Kostas Tasoulas, ndërpreu seancën për disa minuta dhe më pas Koutsoubas u kthye në foltore, duke vazhduar fjalën e tij ndërsa deputetët në sallë e duartrokitën.
Ai i qetësoi kolegët duke thënë: “Ishin spazma në bel.(tkurrje e muskujve) Për fat të mirë kemi shumë mjekë këtu”.
“Nuk kam kohë të ndjek këshillat tuaja për të humbur peshë”, iu drejtua me nota humori deputeti kryetarit të kuvendit.
