OMONIA pretendon se Prokuroria po manipulon provat në dosjen hetimore në ngarkim të kryebashkiakut të sapozgjedhur të Himarës, Fredi Beleri, i cili ndodhet në burg në akuzat për blerje votash.
Në dosjen hetimore të Prokurorisë së Vlorës thuhet se Fredi Beleri ka qenë i dënuar më parë, por në dëshmitë gjyqësore të marra nga e-albania dhe të dorëzuara në KQZ, Fredi beleri rezulton i padënuar.
Në një reagim në rrjetet sociale, OMIONIA deklaron se vendosja e provave të falsifikuara në fashikullin hetimor me qëllim kushtëzimin e vendimeve të gjykatave lidhur me rrezikshëmrine shoqërore të Belerit dhe krijimin e një imazhi negativ për të është fundi i drejtësisë. Më tej, ata paralajmërojnë se do të nxjerrin prova të tjera se si po tentohet të manipulohet çështja.
Reagimi i plotë:
Zyra e Kryetarit te Mandatuar te Bashkise Himare Ne vijim te deklarates se Zyres se Kryetarit te Mandatuar te Bashkise Himare z. Beleri per manipulimin e provave ne dosjen hetimore ne ngarkim te tij , po ju paraqesim deshmine e falsifiuar te gjendjes gjyqesore te z. Beleri ku rezulton i denuar. Realisht sipas gjendjes gjyqesore te vertete dhe te leshuar nepermjet portalit e- albania , z. Beleri figuron i pa denuar. Me poshte po ju paraqesim gjendjen gjyqesore te falsifikuar prej Prokurorise Vlore me nr 0 prot dt 12.05.2023 si edhe 3 te tjera te verteta te leshuara ne momentin e kandidimit te z. Beleri depozituar ne KQZ si edhe pas momentit te arrestimit te tij ku ai figuron i pa denuar! Vendosja e provave te falsifikuara ne fashikullin hetimor me qellim kushtezimin e vendimeve te gjykatave lidhur me rrezikshemrine shoqerore te z. Beleri dhe krijimin e nje imazhi negativ per te eshte fundi i drejtesise! Akoma me i rende eshte fakti se Prokuroria Vlore dhe Prokuroria e Posacme refuzojne te heqin nga fashikulli hetimor proven e falsifikuar dhe vendosjen e gjendjes gjyqesore te vertete per z. Beleri. Eshte e pa precedente ne historine e drejtesise shqiptare qe ne fashikullin hetimor , vet organet qe jane marre me hetimin e ceshtjes te fabrikojne prova dhe te administrojne akte te falsifikuara. Ne vijim do ti paraqiten opinionit publik prova te reja edhe me te renda te falsifikimit te dosjes hetimore ne ngarkim te z. Beleri si edhe emrat konkrete te prokuroreve dhe oficereve te policise te perfshire ne skandal!
