Një sherr me armë të ftohta ka ndodhur pasditen e kësaj të Enjte në fshatin Borizanë të Krujës.
Dy shtetas konkretisht, Bilbil dhe Jashar Maja, janë dhunuar nga disa persona të fisit Rraja.
Sherri ka nisur për shkak të një guroreje në pronësi të shtetasit Xhelal Rraja, vëllai i deputetit socialist Rrahman Rraja. Për këtë gurore banorët e zonës dhe pjestarë të fisit Maja janë ngritur disa herë në protestë, pasi dëmtoheshin banesat e tyre.
Ndërkohë ditën e sotme sherri ka degraduar në përdorimin e armëve të ftohta, ku kanë mbetur të plagosur dy pjestarët e fisit Maja, njëri prej tyre në gjendje të rëndë, në spitalin e Traumës në kryeqytet.
Ndërkohë vëllai i deputetit socialist, shtetasi Xhelal Rraja është shoqëruar në komisariat.
Shërbimet e Komisariatit të Policisë Krujë kanë shoqëruar shtetasit Xh. Rr., dhe P. Rr., si dhe po punojnë për shoqërimin e shtetasve I. Rr., dhe K. Rr., të përfshirë në këtë konflikt”.
Grupi hetimor në bashkëpunim me Prokurorinë po punon për sqarimin e rrethanave të ngjarjes dhe në përfundim të veprimeve hetimore do të ketë një informacion të plotë,– njoftoi Policia.
