Është mësuar identiteti i 39-vjeçarit shqiptar, i cili ndërroi jetë ditën e djeshme në spital në Greqi, pak ditë pas aksidentit që pësoi në punë.
Viktima është shtetasi Agim Lyte, baba i tre fëmijëve, nga Hamalli i Durrësit. Ai ra nga skela e ndërtimit teksa ka qenë duke punuar dhe u transportua me urgjencë në spital. Por,fatkeqësisht, ai nuk arritit dot t’u mbijetonte plagëve të marra dhe ndërroi jetë në spital, pas një jave në gjendje kome.
Ngjarja ka ndodhur në qytetin e Rethimnos, ku ka ardhur një reagim nga komunitetit shqiptar atje, ku bëhet me dije se lamtumira e fundit 39-vjeçarit do t’i jepet ditën e premte.
Në njoftimin e Komunitetit Shqiptar në Rethimno thuhet:
“Ai sot iku në moshë të re duke lënë mbrapa një dhimbje e pikëllim të madh per femijët, bashkëshorten, nënën , motrën, të afërmit e tij, por dhimbje dhe për Komunitetin Shqiptar që jeton e punon në Rethimno por dhe në gjithë Kretën.
Një aksident i rëndë në punë bëri që Agimi të ishte për një javë në gjëndje kome në Spitalin e pergjithshën në Hanja të Kretes.
Lajmi që Agimi para dy ditësh u zgjua nga koma, i gëzoi të gjithë e riktheu shpresat se ky njëri i mire dhe teper i ri do të rikthehej në jetë. Por papritur gjatë natës së djeshme një temperaturë shumë e lartë,bëri që Agimi ti bashkohej botës së ëngjëjve, edhe pse përpjekjet e mjekëve ishin maksimale. Sot trupi i tij vjen në spitalin e Rethimnos për tju bërë ekspertiza mjeko ligjore ditën e nesërme.
Të premten në orën 12.00 do të organizohet ceremonia e varrimit në varrezat publike 3 Manastirët në qytetin e Rethimnos.
Te dashur bashkatdhetarë !
Dhimbjet njerëzore janë të mëdha e duan shumë kurajo,por ato lehtësohen sadopak kur ndahen me miq e shokë.
Le të mblidhemi të gjithë e ti japim lamtumirën e fundit bashkëatdhetarit tonë,mikut,shokut tonë të mire që u largua kaq padrejtësisht nga kjo jetë. Le të jemi pranë familjes e të afërmve në këto momente të vështira.
Dhimbja njërëzore bën krahë e ngrihet sot e fluturon nga ultësira e Kretës atje në Hamallaj të Durresit ku Agimi kishte shtëpinë, por dhe kudo ku ai ka te aferm,miq e shokë.
KOMUNITETI SHQIPTAR RETHIMNO,i shpresh ngushëllimet e sinqerta familjes, dhe gjithë të afërmve të të ndjerit.
I LEHTË TË QOFTE DHEU VËLLA.
Udha e mbarë në rrugëtimin e gjatë të përjetesisë.
KURAJO o njerëz të mirë. Jemi të gjithë pranë jush në këto momente kaq të vështira”
