Tirana mund të humbasë dy mbrojtës para dhe pas Europës.
Erhun Obanor dhe Bruno Lulaj duke parë që kanë shumë pak mundësi për të luajtur mund të zgjedhin rrugë të tjera.
Obanori me ardhjen e Erjon Hoxhallarit e sheh mundësinë e aktivizimit shumë të ulët dhe ndoshta nuk do të pranojë stolin.
Para Tiranës, mbrojtësi kishte qenë pranë Vorës. Mbetet për t’u parë nëse Obanori do të jetë pjesë e bardhebluve në vazhdim apo do të ndahet me ta pas fazës përgatitore.
Për më tepër që lojtari ende nuk është prezantuar zyrtarisht nga klubi.
Lojtari tjetër që mund të ikë është Bruno Lulaj. Mbrojtësi ka një ofertë nga Elbasani dhe pas Europës mund ta shohë veten te skuadra e Kategorisë së Parë.
Largimi i dy mbrojtësve mund të sjellë afrimin e Egzon Bejtullait, një mbrojtës që pëlqehet shumë nga stafi bardheblu.
Gjashtë lojtarë i janë larguar Tiranës nga mbyllja e kampionatit. Bëhet fjalë për: Visar Bekajn, Kristjan Toshevskin, Zhozelin Behiratçen, Albano Aleksin, Elvi Berishën dhe Aldi Gjumsin. Nga ana tjetër tetë lojtarë kanë afruar bardheblutë këtë merkato.
Ata janë: Kaina Nunjesh, Gentjan Selmani, Erhun Obanor, Liridon Latifi, Albi Doka, Gledi Mici, Fjoart Jonuzi dhe Erjon Hoxhallari.
Sipas planit, Tirana e Orges Shehit do të luajë miqësoren e tretë në Ohër. Skuadra bardhebludo të përballet me kampionët e Maqedonisë së Veriut, Strugën, që drejtohet nga ShpëtimDuro. Takimi i tretë miqësor i Tiranës zhvillohet më 5 korrik në Ohër.
Nga ana tjetër, dyskuadrat do të zhvillojë testin gjeneral në Ohër. Deri tani bardheblutë kanë zhvilluar dymiqësore.
Me Ballkanin, Tirana kishte luajtur miqësoren e dytë dhe më parë me Dukagjinin.Për Tiranën ky është testi gjeneral para ndeshjes me Dinamon më 13 korrik.
