Teuta ka nisur sot përgatitjet për sezonin 2023-2024 në stadiumin “Niko Dovana”.
Trajneri Diego Longo me ndihmësit e tij Amadeo di Late, Ilir Biturku, Mark Dodaj dhe Bledian Rizvani kishin takimin e parë me futbollistët.
Italiani Longo njoftoi skuadrën për startin e sezonit të ri, shpalosi planin e punës, ndërsa u bëri me dije se në kërkim të realizimit të objektivave të klubit do të kërkohet punë maksimale dhe disiplinë e rreptë.
Menjëherë pas mbledhjes ekipi ka zhvilluar seancën e parë stërvitore nën drejtimin e stafit të ri teknik.
Në seancën e parë janë parë dhe dy elemente të rinj si Mario Gjata dhe Aldi Gjumsi, të cilët vijnë respektivisht nga Tirana dhe Apolonia.
Ndërkohë veç afrimeve, për të ruajtur balancën ka edhe largime. Zbulohet se Uhedi Hoxha dhe Alban Cejku nuk janë më pjesë e klubit durrsak.
