Artan (Marjus) Tafani, i shpallur në kërkim për grabitjen e rreth 40 mijë eurove në një pikë valutore në Astir, ngjarje e ndodhur në 24 qershor, dyshohet se është përfshirë edhe në ngjarje të tjera kriminale.
Burime nga grupi hetimor bëjnë me dije se Tafani mund të jetë pjesë e një grupi vrasësish me pagesë.
39-vjeçari ka marrë pjesë në një vrasje të bujshme në vend, thotë një burim nga grupi hetimor, por duke hezituar të konfirmojë ngjarjen konkrete pasi po vijojnë hetimet e thelluara.
Makina e gjetur e vjedhur në garazhin e bashkëpunëtorit të tij pas zbardhjes së grabitjes dyshohet se do përdorej në ngjarje të tjera kriminale.
Kujtojmë se për ngjarjen u arrestua edhe Enio Meçaj, në magazinën e të cilit u gjetën edhe rrobat që përdori në grabitje 39-vjeçari.
