Pas Safet Gjicit edhe Alma Kaçi i është drejtuar Gjykatës së Posaçme të Apelit për masë më të butë se sa ajo e “arrestit në shtëpi”.
Në argumentet e parashtruara, Alma Kaçi pretendon se është e vetmja që siguron të ardhura për familjen, fëmijën e mitur 12 vjeç dhe nënën e sëmurë 71-vjeçare.
Një tjetër argument në ankim ka të bëjë me kualifikimin e veprës penale. Sipas mbrojtjes ligjore të Kaçit, nuk kemi të bëjmë me veprën penale të korrupsionit aktiv pasi e gjitha ajo ka qenë inskenim.
Kjo do t’i hapte rrugë një tjetër dinamike hetimore, lidhur me këtë shtetase, kontaktet dhe personat e interesuar për të inskenuar një veprim të tillë, në zyrën e kryebashkiakut të Kukësit.
