Edi Rama që i fryn qiririt në tortën e ditëlindjes dhe në të djathtë të tij Alex Soros që i buzëqesh. Pamjet janë postuar në rrjetet sociale nga djali i manjatit Xhorxh Soros nga ajo që duket një darkë në Tiranë.
Në tekstin që shoqëron fotot, Alex Soros e cilëson Ramën “një burrë të madh” dhe e quan vëlla.
“Dje me dy nga liderët më të mëdhenj të botës @ediramaal & #BillClinton. I nderuar që jam në Tiranë pasi Bill Clinton arriti për herë të parë në #Shqipëri dhe iu dha Ylli i Madh i Mirënjohjes për Arritjet Publike në prag të Ditës së Pavarësisë. Shqipëria është ndër më pro-amerikanet në botë dhe një aleat i madh – falë lidershipit të Edi Ramës. Dhe çfarë rastësie që Edi Rama ka lindur më 4 korrik!!! Dita e Pavarësisë dhe ditëlindja e vëllait tim Edi me këta dy burra të mëdhenj ishte një moment kulmor që do ta çmoj përgjithmonë! Gëzuar Ditën e Pavarësisë nga Tirana, Shqipëri! #4 korrik”, shkruan Soros.
