Mbrojtësi shqiptar, Kevin Haveri, është zyrtarisht futbollist i Torinos në Serinë A italiane.
Lojtari 21-vjeçar ka hedhur një hap të madh në karrierën e tij, duke u bërë pjesë e skuadrës së Torinos, teksa transferohet nga Seria C italiane.
Lojtari që luan si mbrojtës i majtë, ka bindur me paraqitjet me skuadrën e Rimini në Serinë C dhe ka bërë që torinezët të blejnë kartonin e tij për shifrën e 300 mijë eurove.
Në sezonin e fundit, ai ka zhvilluar plot 25 ndeshje në kampionat me skuadrën e ti duke dhënë edhe 2 asiste për skuadrën.
Haveri është aktualisht pjesë e kontingjentit kuqezi pasi ka luajtur më parë me Shqipërinë U17 dhe tani transferimi te Torino, mund t’i japë mundësinë që të rikthehet në Kombëtare, por këtë herë në skuadrën A.
