Massanga Matondo eshtë gjithnjë e më larg Partizanit. Mesfushori nga kongo ndodhej në atdhe që në përfundim të sezonit që sapo lamë pas ku ishte pjesë e Kombëtares së tij. Ai qëndroi atje edhe pse u thirr nga klubi i Partizanit.
Refuzimi i kryeqytetasve për ta shitur Matondon në Turqi tek Hatayaspor ka sjellë dhe irritimin e lojtarit dhe arsyeja e mosardhjes së tij pavarësisht thirrjes është kjo.
Tashmë duket se lojtari ka reflektuar paksa duke ardhur në Tiranë, ku ka dhe një vit tjetër në kontratën me Partizanin. Në ditët në vijim pritet një takim midis lojtarit dhe drejtuesve të “Demave të Kuq” për të vendosur për të ardhmen e mesfushorit kongolez.
