Kreu i Inspektoriatit të Lartë të Drejtësisë, Artur Metani ka deklaruar se nuk ka nisur asnjë inspektim në rastin e lirimit të ish-ministrit të Brendshëm, Saimir Tahiri nga burgu.
I pyetur për këtë çështje nga deputetja e PD-së, Albana Vokshi, Metani deklaroi nga foltorja e Kuvendit se ILD vepron në rast të denoncimeve dhe për rastin në fjalë nuk ka patur një të tillë.
Ai deklaroi se sipas ligjit, vetëm në raste të veçanta ILD mund të nisë vetë një inspektim dhe në rastin e Tahirit nuk e ka parë të arsyeshme.
“ILD së pari operon me ankesa. Çdo kush që ka pretendime, mund të na bëjë ankesë. Kjo është mënra më e shëndetshme se si mund të funksionojë. Sipas ligjit, në raste të veçante ILD mund të nise vetë inspektim Në rastin konkret nuk ka asnjë inspektim nga ana e ILD-së, por nuk ka as edhe një ankesë.” – deklaroi Artur Metani.
