Ish-deputeti dhe ish-kandidati për Bashkinë e Kuçovës, Lefter Maliqi ka reaguar sërish në lidhje me debatin që pati me sekretarin e Përgjithshëm të KQZ-së, Ylli Markaj, ditën e rinumërimit të votave për 18 kuti të Bashkisë Kuçovë.
Teksa ka postuar videon në rrjetet sociale, Maliqi e konsideron si një provokim ndaj provave dhe fakteve të manipulimit të votave pro kryebashkiakut të Kuçovës, Kreshnik Hajdari, sipas tij, peng i oligarkut Pëllumb Salillari.
Maliqi e konsideron vendimin e Kolegjit Zgjedhor si politik, teksa sipas tij, zyrtaret e sojit Ylli Merkaj, jo vetëm duhen demaskuar, por qytetarët në solidaritet me forcat opozitare duhet ti shpallin “non grata”. Ai e konsideron Ylli Merkajn si armik të votës së lirë, shërbëtor të kapur dhe përdorur politikisht.
Reagimi i plotë:
Tensioni provokativ i Sekretarit të Pergjithshëm të KQZ, Ylli Merkaj, ndaj meje, në nisje të seancëa gjykuese të Kolegjit Zgjedhor, ndaj provave e fakteve që kisha parashtruar për të mbështetur manipulimin e votave që shpallen fitues të garës së Kuçovës, Hajdarin pengun e Oligarkut Salillari,ishte pjesë vijuese e krimit elektoral. Si në të gjithë vendin edhe në Kuçovë dita e dhënies së vendimit politik të Kolegjit Zgjedhor nxorri hapur faktin që zyrtaret e sojit Ylli Merkaj, të cilët drejtuan procesin e votimit, të ankimimit dhe gjykimit, jo vetem duhet ti demaskojmë por në rastin më të parë duhet t’u tregojm vendin. Pasi kjo racë e padenjë për të rikthyer drejtesinë dhe votën e lirë, të meritueshme, aq shumë të dëshiruar e mezipritur, ka marrë peng procesin demokratik të ushtrimit dhe mbrojtjes së votës së lirë, të fshehtë dhe të barabartë. Qytetarët në solidaritet me forcat opozitare duhet ti shpallin “non grata”, individët e sojit Ylli Merkaj, këta armiq të votës së lirë, shërbëtor të kapur dhe përdorur politikisht, që janë në shkelje flagrante e kundër ligjit elektoral, kundër ligjit të dekriminalizimit dhe kodit zgjedhor. Sado të përpiqen sojë-zezët e demokracisë kurrë nuk do të arrijnë ta ndalin fitoren e saj. Yllrat janë të përkohëshëm, demokracia, drejtësia e vota lirë të perherëshme!Ska kthim pas,rrotacioni politik do ndodh,vota e lire,demokracia dhe drejtesia e pavarur do kthehet
