Federata Gjermane e Futbollit zbuloi ditën e djeshme kalendarin e Bundesligës për sezonin 2023-2024, që koncidon me rrugëtimin numër 61 në ligën vendëse.
Kampionët në fuqi do te zbresin të parët në fushë, ashtu siç e do tradita, aty ku Verderi do t’i mirëpresë në fushën e tyre Mylerin me shokë në datën 18 gusht.
Ndërsa nënkampionët do ta nisin rrugëtimin e tyre nga arena e “dramës”, pikërisht nga “Signal Iduna Park” karshi Këlnit. Bavarezët do të inkuadrohen përpara tifozërisë vendëse në javën e dytë krahas Augsburgut, që korrespondon me derbin e “Bavarisë”.
“Klasikja” me Dortmundin vijon në xhiron e 10-të në tempullin e “verdhezinjve”, teksa ajo e kthimit gjen qasje në raundin e 27-të, shumë pranë verdikteve finale. Pas etapës së fundit, bavarezët mbizotërojnë me 33 tituj në Bundesligë, duke i bërë kundërshtarët ta shikojë me “dylbi” numrin e triumfeve.
JAVA E 1/ (18-20 GUSHT 2023)
Verder–Bajern M.
Dortmund–Këln
Union B.–Mainc
Leverkusen–Lajpcig
Frankfurt–Darmshtad
Volfsburg–Haidenhaim
Hofenhaim–Freiburg
Augsburg–M’Gladbah
Shtutgart–Bohum
