I ardhur si një talent, kosovari Ermir Rashica, duket se nuk e ka zhgënjyer stafin e korçarëve me atë që ka dhënë në seancat e para stërvitore.
Futbollisti 19-vjeçar ka treguar një përgatitje mjaft të mirë fizike, me teknikë të lartë dhe i prirur për fazën e veprimeve sulmuese.
Rashica luan si mesfushor i krahut të djathtë, por është shumë aktiv në sulm dhe shihet si një futbollist që do të shërbejë shumë në ekip.
Këto cilësi të tij janë pritur me krahë hapur nga stafi teknik i “Ujqërve të Dëborës”.
Duket se 19-vjeçari është i pari që do të kalojë testin e provës me fanelën e korçarëve dhe pritet të jetë pjesë e skuadrës për të paktën 3 vite aq sa ia lejon edhe kontrata aktuale.
