Policia e Krujës në vazhdim të megaoperacionit të koduar “Territor i pastër”, në fazën e 23-të të tij ka asgjesuar 203 bimë narkotike kanabis.
Bimët narkotike janë evidentuara të kultivuara në fshatin Shqezë dhe Bruz Mali të njësisë administrative Cudhi në Krujë. Nuk dihet autori se kush i kishte mbjellë dhe nuk raportohet për asnjë të arrestuar.
Më parë si rezultat i fazave të mëparshme të këtij operacioni janë asgjësuar 12460 bimë narkotike kanabis.
Policia njofton se strukturat hetimore në bashkëpunim me Prokurorinë, vijojnë punën për identifikimin dhe kapjen e autorëve.
