Skënderbeu do të fillojë prej datës 4 korrik prezantimin e lojtarëve, që zyrtarisht kanë firmosur për bardhekuqtë.
Diçka e tillë do të bëhet nga presidenti Takaj dhe drejtori sportiv, Ardi Gjançi.
Prezantimet janë lënë pikërisht në këtë datë për shkak se disa prej lojtarëve do të mbërrijnë rreth datës 3 korrik në klub e për pasojë atëherë pritet që të nisë zyrtarisht edhe faza përgatitore e korçarëve.
Në këtë ditë do të merren vesh edhe detajet zyrtare të kontratave të nënshkruara nga afrimet e reja të korçarëve.
Duhet thënë se korçarët janë një nga skuadrat më aktive në merkato. Drejtuesit kërkojnë që minimalisht qëndrimi në elitën e futbollit tonë të mos diskutohet.
