Policia franceze ka arrestuar një shqiptar, i cili akuzohet se ka prostituuar me forcë të dashurën e tij 15-vjeçare.
Rasti kishte muaj që ishte nën hetim. Më 28 qershor, tutori shqiptar i adoleshentes u la në paraburgim në pritje të gjykimit në fund të verës.
Shqiptari e kishte detyruar të miturën 15-vjeçare, të dashurën e tij me të cilën kishte një “marrëdhënie toksike”, të prostituohej në një hotel në lagjen 2 të Lionit dhe në rrugët e Gerland për të rimarrë paratë.
Ai ishte dënuar më parë për dhunë ndaj adoleshentes në shkurt të këtij viti. Ky padyshim ishte në origjinën e aktit të prostitucionit. Pas hetimeve, dyshimet e policisë u vërtetuan se vajza e re tërësisht nën urdhrat e tutorit të saj detyrohej të shiste trupin e saj.
Në të njëjtën kohë, policia identifikoi edhe një klient të madh të adoleshentit, i cili i paguante mjaftueshëm para “çiftit” në mënyrë që vajza e re të mos kërkonte burra të tjerë në rrugë. Në total, në harkun e një muaji e gjysmë, i njëjti klient i kishte paguar 10 mijë euro të dashurit tutor. Ky i fundit u arrestua dhe u burgos më 21 qershor 2023, pak ditë para se të arrestohej dhe shqiptari.
Të pyetur nga hetuesit, vajza e re dhe tutori kanë pranuar faktet, por janë përpjekur t’i minimizojnë ato, sipas policisë.
