Skënderbeu i Ivan Gvozdenoviç është duke u organizuar për sezonin e ri. Skuadra korçare, në fokus të kësaj merkato verore, ka futbollistët e rinj.
Pas afrimit të Marko Alias, Ermir Rashicës, Alkeo Banit, Dejvid Janaqit, Orestis Ademit, etj, klubi korçar ka piketuar edhe talentin 18-vjeçar, Marius Zena, i cili ka dalë nga akademia e KS Dinamos, teksa sezonin e fundit ishte pjesë e Vorës së Mërgjyshit duke bërë paraqitje dinjitoze.
18-vjeçari shqiptar, së fundmi ka zhvilluar një provë pranë gjigantëve të Real Madridit, ndërkohë që mësohet se ka pasur edhe një interesim nga ekipi i Granadës, ku aktivizohet sulmuesi i Kombëtares shqiptare, Myrto Uzuni.
Në rast se nuk realizohet transferimi në Spanjë, gjasat janë të mëdha që talentin Zena të bashkohet me Skënderbeun.
