Shqiprim Taipi nuk ka kohë për të humbur. Mesfushori që e mbylli sezonin me Kukësit ka gjetur skuadrën e re ku do të vazhdojë karrierën.
Sipas “Super Sport” 26-vjeçari do të vazhdojë karrierën në Kazakistan te skuadra e Kaspij Aktau.
Aktualisht kampionati kazak është në aktivitet dhe skuadra e re e Taipit renditet në vendin e 13-të me vetëm 10 pikë.
Kujtojmë se në të kaluarën Shqiprimi ka luajtur për Shkëndijën dhe Shkupin në kampionatin maqedonas, për Prishtinën në Kosovë.
Ndërkohë në Superiore përveç Kukësit ka luajtur edhe për Skënderbeun.
