Gjykata e Lartë ka rrëzuar kërkesën e familjarëve të Ervis Martinajt për heqjen e sekuestros ndaj disa pasurive të sekuestruara.
Më herët, familjarët e Martinajt iu drejtuan me rekurs Gjykatës së Lartë për të kundërshtuar sekuestrimin e pasurive me kërkesë të SPAK dhe që u lanë në fuqi nga GJKKO dhe Apeli.
Ata kërkuan heqjen e sekuestros me pretendimin se pasuritë janë krijuar me burime të ligjshme.
Pas shqyrtimit të çështjes, gjykata rrëzoi kërkesën e tyre.
Familjarët e Martinajt kanë denoncuar se ai rezulton i zhdukur që prej datës 9 gusht, ndërsa më herët ishte shpallur në kërkim policor pas një dëshmie të Nuredin Dumanit. Ky i fundit është shprehur se Ervis Martinaj e kishte porositur për vrasjen e Endrit Dokles.
Që prej kësaj kohe, fati i Martinajt mbetet mister. Disa zëra thonë se ai është rrëmbyer dhe vrarë, ndërsa të tjerë pretendojnë se ka inskenuar zhdukjen. Ndërkohë, autoritetet kanë dështuar të konfirmojnë nëse Martinaj është gjallë apo jo.
Pasuritë që mbeten nën sekuestro
- Aksionet e KING KASINO, ku aksioner është 100% Ervis Martinaj
- 50 % të aksioneve të shoqërisë “ALBA TELECOMMUNICATION”, në emër të Ervis Martinaj
- Aksionet e shoqërisë “MATI UNION”, ku aksioner është 100% Mustafa Martinaj
- Aksionet e shoqërisë “MARTINAJ E.M”, ku aksioner është 100% Mustafa Martinaj
- Subjekti “Ervis Martinaj”
- Shoqëria “REAL FENIX”, ku aksionere është 100% Roberta Martinaj
- Subjekti “Drenica Martinaj”
- Subjekti “V.K”
- Shoqëria “S.P.E Energy” shpk ku aksioner është 100% V.K
- 21% e aksioneve dhe aseteve te shoqëria “S.P.E Gjadër” të zotëruara nga “S.P.E Energy” shpk ku
aksioner është 100% V.K - Një automjet ‘Smart’, modeli ‘Passion’ në pronësi të Erjona Martinaj
- Një automjet ‘Land Rover’, modeli ‘Discovery’ në pronësi të Erjona Martinaj
- Një automjet ‘Mercedez-Benz’, modeli GLK 350, në pronësi të Vasilika Martinaj
- Një automjet ‘Fiat’, modeli ‘Fiesta’, në pronësi të Vasilika Martinaj
- Një automjet BMW, modeli M 550, në pronësi të Vasilika Martinaj
- Një pasuri me sip.82 m2 në lagjen “Pavarësia”, Vlorë në pronësi të Drenica Martinaj dhe një arë në
Piqeras, Sarandë në pronësi të Ervis dhe Roberta Martinaj - Një njësi me sip. 137 m2 në pronësi të Vasilika Martinaj
- Një ullishte me sip.9 800 m2, në Dobresh, Tiranë
- Një arë 3 815 m2 në Fushëkuqe, Kurbin
- Arë me sip.7 000 m2 në Patok
- Arë në Fushëkuqe, Kurbin sip.12 145 m2
- Arë në Patok, Kurbin me sip.1 973 m2
- Arë në Patok, Kurbin me sip. 7050 m2
- Arë dhe truall me sip.1 975 m2 në Fushë-Milot, Kurbin
- Arë me sip.1. 632 m2 në Fushë-Milot, Kurbin
- Truall dhe ndërtesë me sip.300 m2 në emër të Mustafa dhe Vasilika Martinaj
- Arë me sip. 2. 543 m2 në Fushëkuqe, Kurbin
- Arë dhe ndërtesë me sip.410 m2 në Fushëkuqe, Kurbin në emër të Mustafa dhe Vasilika Martinaj
- Arë me sip. 120 m2 dhuruar nga Ervis Martinaj shtetases Bisere Hato
- Truall dhe ndërtesë 580 m2 dhuruar nga Ervis Martinaj shtetases Bisere Hato
- Apartament në rrugën “Dervish Hima”, me sip.105 m2, dhuruar nga Ervis Martinaj shtetases Gelmona Tarja
- Ullishte 2000 m2 në fshatin Gjilekë, Dhërmi
- Pasuri aktualisht në pronësi të shtetasit Fatmir Ahmet Vuthaj.
- Llogari kursimi për fëmijë.
