Në janarin e vitit 2019, Emiljano Sala arriti marrëveshje për transferimin nga Nantes për te Kardif në Premier Ligë.
Por, fati i tij i keq bëri që avioni privat me të cilin po fluturonte, të rrëzohej në kanalin mes Francës dhe Anglisë dhe vetëm pak ditë më vonë u gjet trupi i pajetë.
Kur kanë kaluar më shumë se 4 vite nga kjo tragjedi, dy klubet janë ende në seancë gjyqësore pasi Kardif supozon që futbollisti nuk u bashkua me skuadrën e për këtë arsye nuk duhet bërë pagesa e kartonit që arrinte në vlerën e 17 milionë eurove.
Nga ana tjetër, Nanta kërkon pagesat pasi futbollisti kishte firmosur kontratën e re dhe është larguar nga klubi.
Së fundmi, FIFA ka dhënë verdiktin përfundimtar dhe ka detyruar Kardifin që të bëjë pagesën e plotë për futbollistin.
Sipas FIFA-s, futbollisti është transferuar në Premier Ligë pavarësisht tragjedisë dhe për këtë, duhet bërë 100% pagesa e kartonit të tij.
Pagesa do të bëhej në 3 këste dhe vetëm 6 milionë euro janë paguar deri më tani, ndërkohë që do të paguhen edhe dy këstet e tjera.
