Po mbahet këtë të premte seanca për riumërimin e 18 kutive në Bashkinë e Kuçovës. Mësohet se ka shkuar në 4 numri i kutive të numëruar deri më tani në sallën e gjyqit në Kolegjin Zgjedhor.
Si rezultat është konstatuar se në 3 kuti votimi nuk ka pasur proces verbal të mbylljes. Kolegji ka dhënë urdhrin për hapjen e kutisë së materialeve.
Ndërkohë është konstatuar se në një kuti votimi edhe pse kanë rezultuar 629 fletë votimi në proces verbal, në numërim kanë dalë 700 fletë votimi. Koalicioni opozitar “Bashkë Fitojmë” pretendon se ato janë vota të vjedhura. Ndërkohë po verifikohen dhe fletët e papërdorura, si dhe ato te pavlefshme.
Kandidati Lefter Maliqi pretendon se 30 fletë votimi në kutinë e parë janë të favor të tij, ndersa Kolegji Zgjedhor po verifikon dhe provat materiale.
Ndërkohë pak më herët ndodhi edhe një përplasje mes përfaqësuesit të KQZ-së Yli Merkaj, dhe kandidatit të Koalicionit “Bashkë Fitojmë”, Lefter Maliqit, ku ky i fundit akuzoi se po bëhen parregullsi.
