Një ngjarje e rëndë është regjistruar pasditen e kësaj të enjte në Pogradec.
Autoritetet policore bëjnë me dije se shtetasi J. S., 44 vjeç, nga Shkupi i Maqedonisë së Veriut, në momentin që është futur në liqenin e Ohrit për t’u larë ka ndërruar jetë. Ngjarja ka ndodhur rreth orës 18:00, në fshatin Udënisht.
Sipas policisë, nga kqyrja paraprake e trupit të viktimës, nuk janë konstatuar shenja dhune dhe dyshohet se 44-vjeçari mund të ketë ndërruar jetë si pasojë e arrestit kardiak.
Grupi hetimor po punon për zbardhjen e plotë të rrethanave dhe përcaktimin e shkakut të humbjes së jetës.
