Një tjetër aksident me një të plagosur rëndë ka ndodhur në aksin rrugor Maliq – Korçë. Ngjarja ka ndodhur në afërsi të fshatit Bulgarec, vetëm pak kilometra larg qytetit të Korçës.
Burimet mediatike bejne me dije se drejtuesi i motorit, Sokrat Shkëmbi nga Biranji, rreth 54 vjeç, ka mbetur i plagosur ne gjndje kritike per jeten.
“Sot rreth orës 15:35, në aksin rrugor Korçë-Maliq, pranë fshatit Çiflig, Korçë, shtetasi S. Sh., rreth 54 vjeç, banues në fshatin Biranj, duke drejtuar një motomjet, dyshohet se ka humbur kontrollin mbi drejtimin e motomjetit dhe motomjeti ka dalë nga rruga. Për pasojë ka marrë lëndime drejtuesi, i cili u transportua për mjekim në spitalin e Korçës”, njofton policia.
Drejtuesi i motorit, Sokrat Shkëmbi ka qenë duke udhëtuar nga Korça në drejtim të Maliqit kur papritmas mjeti dyrrotak i ka dalë nga kontrolli duke u përplasur me barrierat mbrojtëse të rrugës, përplasje e fortë e cila ka sjellë dhe “fluturimin” për më shumë se 10 metra për të përfunduar poshtë kanalit te rrugës kryesore ndërkohë që motori ka ikur zvarrë në mes të rrugës.
Megjithëse me drejtuesi i mjetit ka qenë më një skafandër jo funksionale ka marrë plagë të shumta në koke dhe trup, duke i shkaktuar plagë të shumta.
Sipas ekspertëve dy janë arsyet, shpejtësia tej normave të lejuara si dhe konsumimi i alkoolit nga ana e motoçiklistit.
Ditën e sotme ky është aksidenti i tretë në rrugën nacionale Zotilan – Bulgarec, i pari ka ndodhur në orët e para të mëngjesit, me vone ne kryqëzimin e Maliqit dhe ky i pasdites së sotme në afërsi të fshatit Bulgarec. Të tre këto aksidente janë më dëmtime shumë të rëndë, njeri është nisur me helikopter drejt Traumës për mjekim më të specializuar.
