Pas 3 muajve hetime është finalizuar operacioni “Rrjeti” duke goditur 4 grupe kriminale dhe çuar në pranga të 45 personave, e ndërsa 7 të tjerë janë shpallur në kërkim. Këto grupe merreshin me prodhimin dhe shpërndarjen e drogës, ndërsa gjatë kontrolleve nga blutë iu gjetën dhe armë.
Në deklaratën zyrtare nga policia dhe prokuroria, u bë me dije se u godit totalisht një grup kriminal dhe pjesërisht 3 të tjerë, ndërsa urdhër-ndalimet e lëshuara nga prokuroria u ekzekutuan nga policia. 25 nga të arrestuarit ishin skeduar për trafikun e drogës, teksa në kuadër të këtij operacioni u sekuestruan 1.3 kg kokainë, 860 gr heroinë, 1.3 kg kanabis, 1 kallashnikov, 51 mln lekë dhe 15 mijë €, silenciatorë, fishekë, jelek antiplumb dhe mijëra doza drogë.
Kontrollet u shtrinë në 6 qytete, më konkretisht në Elbasan, Pogradec, Prrenjas, Librazhd, Cërrik dhe Belsh.
Aksioni erdhi pas informacioneve të siguruara nga inteligjenca policore dhe denoncimeve nga qytetarët për trafikun e drogës, tha Drejtori i Drejtorisë Vendore të Policisë Elbasan Ilir Proda.
Në kuadër të këtij procedimi, Gjykata e Elbasanit, në bazë të kërkesës së prokurorit, ka nxjerrë vendim për lejimin e kontrollit të ambienteve të banimit dhe bizneseve të ndryshme, të 28 subjekteve.
Njëkohësisht, janë proceduar në gjendje të lirë 29 persona.
“Këta shtetas, prej disa vitesh, ushtronin veprimtaritë kriminale në fushat e prodhimit, shitjes dhe trafikimit të lëndëve narkotike, armëmbajtjes pa leje dhe pastrimit të produkeve të veprës penale. Ata vepronin të ndarë në disa grupe kriminale dhe kishin ndarë gjithashtu edhe zonat e influencës ku e ushtronin veprimtarinë e tyre kriminale.
Gjatë analizës kriminale të shtetasve për të cilët sot u ekzekutuan urdhrat e ndalimit, si dhe të personave të shpallur në kërkim, rezulton se: 11 prej tyre kanë qenë të dënuar dhe më parë për krime të kryera në fushën e narko-trafiqeve, ndërsa 10 të tjerë kanë qenë të dënuar për vepra të ndryshme penale. 25 prej tyre kanë qënë të skeduar në vite, nga strukturat e hetimit të krimeve, për përfshirje në veprimtari kriminale, ndërsa 27 janë skeduar vetëm gjatë këtij viti. Vlen të theksohet fakti që 10 shtetas janë pjesë e grupeve kriminale, për shkak të mënyrës së bashkëpunimit dhe sjelljes se tyre gjatë kryerjes së kësaj veprimtarie kriminale. Si rezultat, është goditur plotësisht një grup kriminal dhe janë goditur pjesërisht 3 grupe të tjera kriminale. Hetimi i thelluar është në vijim, për dokumentimin e plotë të veprimtarisë kriminale të këtyre grupeve, si dhe për identifikimin dhe kapjen e shtetasve të tjerë të përfshirë në këtë veprimtari kriminale”, tha Proda.
Personat e ndaluar me urdhër të prokurorisë:
- Joni Hasnjoku,
- Durim Novaku,
- Hysni Sadushi,
- Arsen Vishkulli,
- Emiljan Dinja,
- Ledi Nergjoni,
- Erist Skilja,
- Gazmir Panxhi,
- Gentjan Shabani,
- Florenc Demiri,
- Gavrosh Berati,
- Rigert Kokoneshi,
- Ferdinand Sadushi,
- Ahmet Kushi,
- Denis Darzeza,
- Florenc Puto,
- Storado Sadushi,
- Emre Puro,
- Rezarta Isufaj,
- Shpetim Myrta,
- Edor Hasanllari,
- Andrea Gugu,
- Armando Buzani,
- Erind Hoxha,
- Ilirjan Kume,
- Sali Isufaj,
- Klajdi Isufaj,
- Igli Merko,
- Hekuran Gjeli,
- Xhuljano Gjyla,
- Enea Hysenbelli,
- Leonard Tola,
- Aldo Gjeli,
- Esmirand Lici,
- Xhulio Lluca,
- Armand Lluca,
- Oltjon Çela,
- Sara Çepi,
- Xhevit Bogdani,
- Taulant Novaku,
- Amarildo Sallaj,
- Romarjo Bora,
- Rudolf Korumi,
- Mariglen Hida,
- Fatmir Durbaku,
Persona në kërkim:
- Enea Tollumi,
- Hysen Haziu,
- Eliberto Skilja,
- Sotir Kokoneshi,
- Albi Bicaku,
- Migel Balla,
- Migen Kucaj,
Personat e arrestuar në flagrancë:
- Redi Nerpjetri,
- Eljus Trashi,
- Mikel Petriti,
- Gentjan Gjoka,
- Fatjon Blloshmi.
