Rikthimi i Skënderbeut në elitën e futbollit shqiptar u prit me pozitivet në opinionin sportiv në Shqipëri, pasi një ekip me traditë që ka shkruar historinë në vend meriton të jetë gjithmonë në këto nivele.
Skuadra sigurisht duhet të ndryshojë pasi Kategoria e Parë dhe Superioria kanë shumë diferenca.
Drejtuesit deri tani kanë afruar disa emra të cilët nuk janë të bujshëm por të studiuara mirë.
Kjo është strategjia e klubi, jo thjeshtë emra të mëdhenj që janë larg formës së tyre më të mirë.
Merkato tani është përqendruar në tregun e jashtëm teksa janë piketuar 3 goditje.
I pari është në krahun e djathtë të mbrojtjes dhe quhet Andrea Gërxho. Shqiptari 23-vjeçar luan në Serie C me Fermana dhe këtë sezon ka bërë mjaft mirë në 26 ndeshje duke shënuar 1 gol e 2 asiste.
Dy te tjerët janë në repartin e sulmit. Mony Prunier dhe Matias Lavaca janë dy emra të vështirë por jo të pamundur. I pari është bomber nga Haiti i cili luan në kategorinë e tretë franceze me FC Versailles. 23-vjeç dhe këtë sezon ka shënuar 7 gola e 3 asiste në 27 ndeshje.
Lavaca është nga Venezuela dhe luajti i huazuar në gjysmën e dytë të sezonit te Vizela. Bisedimet kanë nisur por dy lojtarët e fundit kanë kontratë me klubet respektive dhe mbetet të shihet se si do të veprojnë korçarët.
